طيب يا آلاء صباح الخير
أنا في الأول بعتذرلك عن امبارح وهبعتلك رسالة طويلة يا الاء اقريها يا حبيبتي بتركيز وشئ من الحب
لما بكون في مواجهة الخناقة أو في خضمها، ببقى وحش قوي لأني مبعرش اكون خصم وحكم وحاجات كتير، بس أنا هقولك حاجة بعد ما صحيت وكلمتك وعملتي لي بلوك .. بصيت للموضوع تاني ,, هو شئ مرعب شئ مرعب ان امبارح يبقى وحش يتقارن بالأيام الوحشة اللي فاتت
شئ مرعب اني اوصلك لده تاني
وأنا واخد عهد ان مش هوصلك لده تاني
طب تعالي يا الاء اقولك ايه اللي وصل امبارح لأنه يكون امبارح؟
وقبل أي حاجة هاتي ايدك وحضنك يا كريمة يا أميرة وتعالي اسمعي من محمد؟
أنا الشهر ده او الشهرين دول بقيت كويس فعلاً والحمد لله حاجات كتير فعلاً اتحسنت، حتى يوم السبت بتاع الصورة، انا والله مكنش ليا هدف غير اني احبك وانتي عافة انك انتي كمان ساعات بيبقى بس دماغك انك تحبيني ويخرج منك حاجة وحشة .. وأنا مش بقولك اني جاي او بعد عليكي المشوار مزايدة خالص .. أنا بس كنت بقوله لك على أنه: اكيد مش هبقى جاي المشوار ده عشان أرخم عليكي يا حبيبتي والله أنا أكيد جاي عشان من جوايا قوي بحبك يا الاء بس.
دي حاجة .. وغير كده الوقت اللي فات الست الغريبة قالت اني موجوع، بسببك، وده برضه معلش يا الاء مش حاجة الل يهو نقولها شوف أنا بكف عنك أذايا (لو انتي معترفة أنه أذلى) أو بتديني تطمين (أنتي شايفة انه فعلاً فارق) مينفعش يبقى ده حاجة انتي بتعمليها صلاً .. ما ده الطبيعي .. وأنا على فكرة في عز أسوأ وقت مكنتيش بتطمنيني فيه، أنا والله كنت بستوعبك عادي وبلم وراكي خراكي عادي.
أنا بتكلم هنا عن اني ابقى انسان حقيقي ناجح معبر مشارك مش خايف مطمن .. وده زي ما بيفرقلك بيفرقلي والله.
الحاجة التانية يا عمر قلب محمد الجميل هي ايه؟ أن الوقت ده فعلاً صعب والله، فعلاً صعب، ظروفه كتير وصعبة، وأنتي حاسة بان اي خوف من حاجة هيبقى مضاعف، بس انا فعلاً غلط . يعني حوار ان اخاف من المشكلة واحاول اتفاداها بأني افضل اطبل واطبطب وخلاص قبل ما المشكلة تستعر .. ده موديل فاشل لأنك مش بتعرفي تتعاملي كده .. وبيفضل في خنقة فيكي لازم تطلع في الاخر وده حقك .. نتخانق ونفضي غضبنا ونتصالح .. بس أنا اللي بعمله عامل زي اللي ياخد شوية هوا فيبدأ كورس مضاد حيوي .. ما ده هيبقى فعال على المدى البعيد أبداً
بس برضه من النايحة التانية يا الاء .. أنا والله مشاركك يومي من اوله لآخره . . فمش عارف اقولك ايه يعني انتي مش شايفة ان بقالك كذا يوم عمالة تديني كلام في جنابي؟ طول اليوم؟ طب ما انا بحبك .. وعاوز اكيد العلاقة تبقى كويسة .. وبيقى في بالي يا أميرة حضن محمد النائمة على صدره، بيبقى في بالي اني عاوز الوقت كله يبقى جميل مش عاوز ثانية منه وحشة تروح.
والعلاقة اللي مليانة تحسيس عالكلام وكلام في الجنب ده مبحبهاش والله .. يعني انتي بتقولي كمان ان دايماً معنديش اسف ومعلش الظروف
طب تعالي تاني: لو انا مش بقول اسف لو انا عمري ما بغلط نفسي لو انا دايماً بقولك اني عمري ما اغلط وعمري ما اعتذر كنتي هتبقى فرحانة؟
على فكرة انا بقول اني كويس لما الاقيكي جاية عليا جامد في الكلام .. غلب ودفاع عن النفس .. لكن في الحقيقة انا اكتر واحد متواضع قدامك واكتر واحد بعترف ببشريتي ونقصي وضعفي جداً قدامك وبين ايديكي.
دايماً بقول الظروف ضدي؟ آلاء هو ايه الظرف دي؟ هو انا قولتلك معلش راحت عليا نومة؟ أو قولت لك معلش انا خايف ومش عارف اخد قرار خليكي متعلقة؟ يمكن كان زمان ده ممكن يحصل .. بس دلوقتي والله والله ما بيمنعني عنك الا الشديد القوي والله .. ولا بحس بتعود ولا بحس بزهق ولا بحس بملل ولا بحس بتعب وكل سعي الارض ليكي ميوفكيش حقك وبفضل حاسس اني لسه مخدتش منك نصيبي كامل ولسه عاوز اديلك واخد منك كتير يا الاء
والظروف انتي عارفة ظروف الايام اللي بيبقى فيها شغل والله امبارح والله والله والله داخل الشركة الساعة 3 ونص العصر وكان في مييتنج بره المفروض اقدم حاجة بتكلم في الموبايل وببص عالتليفون فعلاً أنا والله لما بقول الظروف مش بهرب أنا والله يا الاء انتي عارفة دنيتي فيها ايه من اولها لآخرها والله .. فأكيد لما تقولي فاشل أو دايماً الظروف ضدي ده مش حقيقي لأنها كتير كانت بتبقى ضدي وبحاربها وبتخانق فيها حتى مع اقرب ناس ليها عشانك يا الاء.
الحقيقة يا الاء والله الوقت ده كمان ضاغط عندي وانا مش في حيرة من قراري لأني عارف أني مختارك .. صحيح هبقى جنبك وبدعمك في كل حاجة .. بس لهجة الكلام بتاعة انا هعيش لنفسي وهيبقى ليا مساري ولو معرفتش تبسطني مع السالمة دي يا الاء مش حلوة .. انتي مش هتبقي ياسمين مدكور ولا انا هبقى جوزها .. ما احنا برضه هنعيش حياة عادية فيها حب وسمع كلام ودعم ونجاح ومشاركة .. بلمعنى اللي اعرفه وطورته ومش متحجر فيه.
أنا آسف ان بعد كل الوقت ده اديلك يوم وحش زي امبارح، رغم اني حاولت كتير اتواصل معك حتى لو باعتذار او اي حاجة .. مش مبرر اطلاقاً .. انا آسف مفيش حاجة في الدنيا ممكن تعادل خذلان قلبك الطيب مرة تانية ولا ممكن تصلحها.
يمكن توضحيي وكلامي واني فعلاً ميخلصنيش تبقي زعلانة والله .. اللي عندي مكفيكي او لأ مش مبرر ليوم زي ده يا الاء .. يا أميرة نائمة على صدري (حرفياً)
تعزي عليا ويعز عليا زعل يا ذات الضفائر الطيبة
أنا طيب بيكي يا عمري الطيب
ليست هناك تعليقات:
إرسال تعليق