إزيك يا آلاء عاملة إيه؟
أنا حابب اتكلم معاكي بصراحة شوية
أنا بفكر طول الوقت في ده وفي كل حاجة، أنا تعبت من نفسي ومنك ومن الحياة .. بس يمكن بقدر شوية أني اقف كده قدام نفسي في المراية واواجه نفسي بشجاعة في ايه الغلط وايه الصح في النهاية بكون عارفه
أنا عاوز أوضحلك حاجتين في الاول بس .. انتي مش محتاجة ابداً بالعكس بيبقى شئ سخيف وغريب ومش مفهوم لما يبقى اللي قدامك بيقولك كلام صادق زي انتي كويسة في ذاتك فيبقى ردك أنا مش محتاجة تقولي أني كويسة أنا محتاجة كذا .. أو حتى متقوليش انتي محتاجة ايه
انا بس بقولك فعلاً أنك حد كويس جداً .. وأنا لما عرفتك كنا عبط خالص احنا الاتنين انا مكنتش شوفت دنيا نهائي في الحقيقة والقاهرة ولا انتي كنتي شوفتي حاجة في مصر غير حاجة او حاجتين .. بس احنا كويسين جداً
يعني هي فعلاً الحقيقة المضحكة المبكية انك قولتي لي انك كنتي فاكراني حاجة كبيرة لما عرفتيني انه حاجة كويسة اني معاملتكيش زي ما الكلب حليم حنيش قالك مرة انك بتحبي المشاوير عشان المنظرة وقت حبس اسراء اظن .. بس انا فعلاً اول انطباع اخدته عنك بجد كان انك وانتي متربعة على الكنبة .. كان اني اقدر احتويكي .. بجد .. كنتي صغيرة وصغننة وغلبانة وحسيت فعلاً أني اقدر اكون الشخص اللي يحتويكي تماماً
انا استلطفتك جداً من أول نظرة .. ويمكن لما كتبتلك سؤال بتاع زياد ابو الفضل قبل كده انتي تفتكري اني كنت بسأل وخلاص .. لأ انا كنت بس فعلاً عاوز اعمله حاجة حقيقي
ولما كنا بنتكلم كتير على الوتساب كنت بجد متستلطفك .. وموضوع اني اخليكي تصحيني كان فعلاً عشان اقربلك بجد .. وده شئ انا معملتوش مع حد غيرك أبداً
المهم يا آلاء أنا قبلك كنت اعرف ليلى وفضلت اعرفها 4 سنين بلا هدف .. بجد حياتي كانت بلا هدف .. شخص مستعد يفنى عمر من اللامبالاة في سبيل حاجة هو مش عاوز يوصلها أصلاً
المهم يا آلاء أن انا معك كنت النقيض فعلاً والبداية كانت الخروج من الداي دريمنج أولاً ثم اختبار الشعور الحقيقي بالسعادة ثانياً معاكي .. اني احس فعلاً اني مهربش .. أني اعمل زي الافلام والمسلسلات واجي احضن السفرجي والبواب وماما والكتب وانا داخل ده كان احساس حقيقي بالسعادة وعدم الرغبة في النوم
انا كرشت بجد في أول سنة دي بسبب اني حقيقي مكنتش بحب انزل من البيت بس اكون معك
بس أنا مكنتش مثالي أبداً يعني قولت لك في الأول اني لو فقدت احساسي بمخي (وكنت اقصد بيه احساس الجدارة بالحياة) انا هتهزم وارجع تاني انسان بلا فايدة فعلاً وحتى قلت لك: اني مش همشي بس وجودي هيبقى زي عدمه
الأيام خلقت بينا مشاكل كتير قوي كبيرة، واللي كنت فاكر اقدر اسيطر عليه طلع اكبر بكتير قوي قوي قوي مني .. وانا مكنتش اعرف ابداً في الحياة ايه اللي استحقه وايه اللي مستحقوش .. ايه حدود الحاجة اللي استحقها وايه الحاجات اللي هي بديهية انها مش بتاعتي
يعني ايه الحاجات اللي اقول عليها لا وايه الحاجات العادية ..وايه الحاجات اللي لو قولت عليها لا الدنيا تنتهي او متنتهيش .. بختصار كنت الخام الحقيقي للانسان بجد .. يعني مكنتش شرير ولا متسلط ولا عدواني ولا مؤذي ولا اناني ولا فيا عيوب الرجالة الباد بويز السلبية
يمكن وجودي اربع سنين في تفكير في واحدة بلا هدف رغم ذلك لم اخنها حتى في تفكيري برضه مرعب في طفولته وسلبيته .. لكن بيقول حاجات كتير قوي كويسة ونضيفة فيه عن الخيال ما بالك بالحقيقة
المهم يا آلاء أن انا مش بقولك كده والله لوم هو توضيح بس بجد .. ان كان ليا الحق في اللوم على حاجاة انا هوضحها كمشاكل واسباب مش كملامة خالص بجد
انا شخصيتي حساسة شوية .. مش ضعيفة .. حساسة .. يعني أنا آسر جداً للكلام وآسر جداً في القرارات وآسر جداً في التأثير على اللي قدامي .. بس مش الشخص النموذجي لأ .. انا حامي نفسي بستار يخفي وراءه ابشع الاحساس
المهم مرة كمان يا آلاء أني تعاملت معك فعلاً وأنا مازلت غير قادر على السيطرة التامة على الحياة .. لأن كان 100% من مصادر سعادتي اللي بالتبعية بتجيب جدارتي اللي بالتبعية بتجيب حياتي .. كانت بين ايديكي .. وانتي انسانة .. وبنت .. ومش طبيعي ان ده يكون صح سواء عندي أو عندك
كنت بقول لك في الأول اللي عنده يدي التاني من غير فصال وانا قادر هدي واسامح واعوض واغفر وانتي تدي وتعتذري وتسامحي وهكذا .. مش مباراة ملامة محتاجة نقط وورا كل واحد فينا مدرب ومشجع .. هو ماتش ودي واحنا اللاعيبة والحكم
يمكن قلة خبرتي النهاااااااااااااااااائية بالبنت بجد خلتي معرفش بديهيااااااااااااااات بجد .. اعرف الذوق واعرف الاتيكيت واعرف المسئولية واعرف حاجات كتي تحفظ عليا انسانيتي بس معرفش البديهيات .. فاكرة مرة بنعدي كورنيش المعادي فحركت نفسي ناحية العربيات، عشان ابقى انا اقرب لهم وانتي بعدها كتبتي لي ان ده شئ كويس .. هو انا ذوق فعلاً مش بعمل ده كنت بقصد تعالي يا بت شوفي راجلك عامل ايه
حاجة عبيطة بس في زيها كتير قووووووي
انا جتلي دلوقتي رسالة منك مش كويسة أبداً وهشرحلك ليه في الاخر .. انا بس بقولك كده وبكتب ده عشان باقي الكلام يكون واضح ان في فاصل فعلاً ضايقني حصل
هو اللي حصل يا آلاء أني فعلاً واحد كنت شديد الاحساس بالذنب = قابل لأشياء كتير قوي بكرهها عشلان ممكن اكون انا كمان مقصر في حاجات ومش مثالي = الحياة يزيد فيها الصراع في النهاية
أنتي كويسة جداً يا الاء بجد بجد .. انتي طبيعية بس طبيعة شخصيتك بجد والله والله عاوزة شخص اكتف اكتر ناحية الحياة .. انا كنت بسكرول على فيسبوك وصلت ل2017 بسهولة انا مش بكتي كتير ومعظم اللي بكتبه موجه ليكي
عملت لك جروبات بلا حصر منهم جروب اسمه من أجل نظرات أطول بس عشان الخلفية تبقى هي الصورة المرئية طول الوقت
معظم الوقت كنت بديلك كل مخي وخيالي وذكائي
أنا شخص فعلاً بخاف وانتي مش بتراعي ده .. مش بتراعي اني فعلاً مرعوب من اللي وصل له العالم وهيوصله ومرعوب من الكفر ومرعوب من الشيطان ومرعوب من الحياة .. وقوي في حاجات كتير قوي .. يعني انا شخص قوي ناحية العالم العادي بس كل أفكاري جواها خوف حذر توتر قلة ثقة
فخوفي ده يا آلاء اللي عبرت لك عنه في الأول بانبهاري بقصة زمليني يا خديجة .. دثريني يا خديجة .. كلامي عن ان لو هكتب رواية هيبقى اسمها أستار .. عن واحد بيموت في زمن الفتنة وهو متعلق بأسوار الكعبة .. رعب
انتي يا الاء مراعيتيش ده فيا .. زي ما أنا مراعتش حاجات كتير فيكي .. بس أنا قبلت يا الاء حاجات كتير من اللي كنات مخوفاني وتعاملت مع بعضها وصبرت على بعضها وانتي لأ
أنا بصراحة يا آلاء حصل في حياتي تغيرات جسيمة .. من واحد عايش في مدينة هادية بعيدة مع اهله لواحد عايش وحده تماماً انتي متخيلة؟ تماماً .. لواحد بيتلقى صدمة ثقافية يوم بعد يوم ومضطر يعيش .. لواحد بيشتغل في مكان مفهوش حاجة شبه بيته الأول .. ومضطر يكمل .. لواحد بيفقد ويخسر حاجات كتير قوي في فكره
ولما مقاومته انتهت يوم ما روحنا لدكتورة هبه فتحي في الجيزة .. قالت له: انت ماسك العالم كأنه كورة ازا خايف تتكسر .. .. متعرفش اني انا اللي متشعبط في الكورة مش الكورة اللي متشعبطة فيا .. أن انا اللي خايف اني ملاقيش الكورة تاني مش انها تتكسر.. انا خايف لو سبتها ثانية في عدم الجاذبية معرفش الاقيها تاني.
آلاء أنتي عندك حق تام في حاجات .. وعندك حق تام في موضوع الاحساس بالأمان والجدية .. في موضوع الصدق بين قوسين يعني في الوعد .. بس معندكيش حق في حاجات كتير قوي اكتر من كده .. وانتي مش عاوزة تشوفي الا اللي عندك فيه حق
والله حقك والله انا اقل واحد تعاملت مع هذا الأمر بالمسئولية الكافية للوضوح سواء الايجابي او السلبي القاطع .. ده حقك أنا متأكد
بس انتي ممكن تسمعي بقى الكلام اللي هقوله ده؟
هو يا آلاء مش أنتي عارفة كويس أني كويس؟
وعارفة كويس أني عملت كتير فعلاً علشانك وبقيت عليكي في حاجات كتير قوي ؟
مش عارفة كويس أني اتغيرت عن زمان؟
مش عارفة كويس أني مبطلتش اتغير عشانك .. بجد؟
مش عارفة اني حاولت كتير أتأقلم على أبشع صنوف الخيال يا الاء؟
هو انتي مش عارفة أني يوم ايتوال ده انا كنت خضت أسبوع مرعب من مواجهة النفس وخلصت لك بكل ما قلت: أنتي فعلاً جميلة وأنا معتز بيكي وفخور بكونك انسانة وأن هذا هو الأساس .. وانتي اصلاً كنت سلبية في رد فعلك جداً .. وبعدها لما سافرت أسيوط وأنا كلي أمل في التغير والثبات عليه .. أنتي قولتيلي انك بتكلمي شخص ما أنا قلت لك متكلميهوش وقولتي لي هبعت حاجة قولتلك بوضوح لأ! ومع ذلك بعتيها؟ طيب صحيت الصبح أكيد مقفول منك وعمال اشوف ايه ده هتعامل مع ده ازاي .. ومستنيكي تقوليلي شكراً طيب حتى انك قولتلي المهم انك تبقى مرتاحة .. تقوليلي اسفة عن خره امبارح؟ لأ انتي جيتي تقوليلي ليه مقولتليش انك نزلت تجيب هدية حسين؟
ده اللي انتي شوفتيه يا الاء بس .. لكن انتي مش شايفة انتي عملتي ايه وانا بتعامل كده ليه!
هو أنتي مش عارفة أني روحت لدكتور عشان اوصل حل .. هو انتي مش عارفة بجد ان ده اخر اللعبة .. آخر ليفيل؟
هو انتي ليه وأنا عند رفعت محفوظ تقوليله لما بيقولك هتعملي كذا وكذا .. تقولي له أول حاجة والله قبل ما تسألي عن نفسك وحالك حتى وبكل عنف: يعني هو لحد يناير هيبقى قاعد يعني ولا هيبقى بيجيل!!! راح قالك لسه هتكلم معه
هو ده عقاب يعني؟ ولا انتي ليه مش عاوزة ابداً تتخيلي لحظة أن مش لازم الصورة بتاع الأبيض واسود تكون هي الصح ممكن رمادي؟
قلت لك مرة لما قولتي لي أبذئ كلام وغفرته لك: اصحابي قالوا لي ان دي عصبية سنة سادسة .. واستدركتي: بس ده ميمنعش انك كذا وكذا وكذا .. قولت لك هو لازم يكون انتي كسبانة 10 صفر؟
لما تبقى عارفة خوفي من الحياة ومتطمنينيش؟.
لما تبقي بتقولي لي في كل خناقة انا مش عاوزاك ومش بحبك وبكرهك؟
لما تقولي لي مبقتش تملا عيني؟
لما تقولي لي مبقتش اشوفك زي زمان؟
لما تقولي لي مراراً وتكراراً انا أول ما اخلص هسيبك؟
لما تبقى حادة طول الوقت وهجومية!؟
لما تقولي لي عن تجمع اللاإنجابية الجروب القذر غير السوي المنحط ده وتقولي لي حد كلمك منه!
لما تبعتيلي سكرين شوت اقذر من القذارة لناس بتقولك كلام وتقولي لي شوف!
لما تقارني أصلاً؟
لما تقولي لي انا كنت هلبس الطرحة تاني يوم الخطوبة بس عشان محسش ان كذا وكذا .. وبعد كده تغيري رأيك (وده حقك) بس بتفضلي شايفة ان حقك تقولي او تعملي أي حاجة بس أنا بس الملام؟
لما تعملي اللي عملتيه واحنا في ماك قدام الشارع المنظر المجنون ده .. وبعد كده احتويكي .. ونروح للدكتورة وادعمك وانا قلبي بيتقطع عشان بس متضيعيش في مفترق طرق؟
هو انتي مش عارفة انتي بتعملي ايه كويس وايه وحش؟
أنا فيا عيوب الأرض ومزاياها .. ويكفيني عيب أني مش حاسم
مهما كنت كويس من الناحية التانية
ما أنا مش يوسف شاهين ولا عبدالرحمن الأبنودي عشان اعيش حياتي بمزاجي بس برضه انا عارف
انتي فيكي مزايا لا تُحصى
احنا روحنا لدكتورة في مدينتي أنتي بمجرد ما قولت لك أن انا عندي حق برضه في حاجات فاكرة انتي اتصرفتي ازاي؟
فاكرة كلامك وفعلك المجنون قدام العيادة قبل ما ندخل؟ فاكرة قد ايه انا كنت مقرف ومبعزمش عليكي من الساندوتش وحتى زمان كنت باخد بافي الفلوس ومرجعهاش وقد ايه كنتي بتسرقي فلوس عشان تصرفي عليا أنا واخواتي وتبسطيني وتفسحيني؟
فاكرة اني حجزت تاني جلسة في نفس اليوم؟
فاكرة اني روحتلها؟ وفاكرة انك اول ما قالت لنا نروحلها سوا انتي قولتي لأ؟
ده اخر ليفيل يا الاء .. احنا مش عارفين ولا انا عارف ولا انتي عارفة حاجة عن التعامل .. وده اخر حاجة فعلاً ممكن كانت تبقى موجودة؟
انتي ليه مش عاوزة تقبلي يا الاء اني فعلاً بغلط بس تقبلي الغلط عادي؟
مش لازم افتراضك طول الوقت انك صح. وان من حقك انك تخلي العالم على مزاجك .. ده متعب ليكي وللي حواليكي قوي قوي قوي
انا كنت عاوزك مستسلمة .. وانتي كنتي مستسلمة فعلاً كتير وانا مكنتش والله بظلمك وكنت لما تقولي لي خدلي حقي من نفسك كنت ابكي والله مخافة اكون ظالمك .. بس انتي في اول اختلاف يا الاء بتقولي لي ده اللي عندي .. مش همسح صور .. تعملي حاجات من ورايا وانا عارفها .. تكابري طول الوقت في النقد حتى ..
انا كنت صغير وانتي كنتي صغيرة
وانتي في مرحلة حرجة مهمة قوي قوي قوي عارفة هتفرق في ايه؟ في ان الطالب غير خريج .. انا كنت طالب واتخرجت .. وعارف قد ايه الفرق مهول في الثقة والحياة والانجاز ةالغموض والخير والشر وكله
انا فعلاً ان ليا حاجة واحدة بس كويسة عملتها افتكرها .. هي اني فكرت فيكي في كل حاجة وفكرت في تاثير اي نقد او مواجهة او ملامة فيكي اكتر من نفسي .. وعارف ان مفيش حاجة هتتغير قبل التخرج وقبل مواجهة العالم والعبور من عنق زجاجة والاحساس بالنجاح والقدرة والانشغال
انا كنت بحبك جداً يا الاء
وكنت براعيكي .. وفي حاجات كير قوي مكنتش فيها حاسم .. بس كنت ذوق ومكنتش مؤذي ولا خاين ولا سليط اللسان .. مش بحكيلك فعلاً بس مفيش حاجة في اللي مش بحكيها ممكن تضايقك .. كتوم ده طبعي ومبيتغرش مهما حاولت
انا فعلاً يا الاء بعيش وقت صعب حقيقي
وأنا عارف والله والله قد ايه انا يا الاء بحبك ومهما جرى هفضل احبك واحفظلك كل الود .. الحب معرفش يحل .. والطب النفسي او المساعدة انتي رفضتيها .. والعقل مش هو اللي هيكون الفاصل بينا يا الاء أبداً انا مش هقبل علاقتي بيكي تكون بالعقل أبداً يعني .. انا زيك اما احب او مش لازم اعيش حاجة ..
ده صعب جداً كان ومش حاجة سهلة .. انتي المهم دلوقتي تتخرجي يا الاء .. المهم تكوني كويسة فعلاً .. انا مش بس بديعلك عشان دي الحاجة اللي عندي اللي معنديش غير كلام زي ما بتقولي.. انا بتمنالك كل الخير وادعيلك عشان في الوقت ده مينفعش اي حاجة تاني تتقال او تتعمل.. اعرف ده.
انتي كويسة يا الاء .. انا شخص اجتنابي اسوأ ما يكون الاجتناب .. مش حاسم مش صدامي ش فعال بالصورة الكافية
فيا مزايا عكس عيوبي في حاجات كتير
انتي شخص قلوق كأكمل ما يكون القلق .. جميلة وفيكي مزايا في كل حتة .. بس انتي فعلاً يا الاء فعلاً .. اتحرمتي من الحياة .. اتحرمنا من الحياة ورا شماعة هنحاول تاني هنجرب تاني .. انتي مرة لما قولت لك: مشكلتك انك قمر .. كان بغازلك .. انتي قولتي لي مشكلتي اني حاصرة الحياة فيك !
يمكن عندك حق يا الاء
الحياة مش استخسار الحب ولا دفنه .. الحياة في الحياة والارادة والجدارة والاختيار
وأنتي اجدر واحدة بحياة متستنيش فيها حاجة .. حياة انتي تعمليها وتساعديها انها تتعمل يا الاء
من قلبي بجد بجد بجد بحبك وبشوفك كاملة وجميلة ومش بس بتمنالك كمان بل متأكد انك قدامك حياة هي الأجمل .. والأريح بجد .. لو اللي فات كان راحة مطلقة مكناش هربنا منه يا الاء ..
بجد بجد بجد يا الاء انا بحبك خالص وانتي عشرة عمري وهتفضلي .. انا مش متأكد اني اقدر اكون قد احتياجاتك يا الاء .. بطريقة ترضيكي وترضيني .. انا تعبت من النظرة الوسخة لنفسي في المراية والله وتعبت من عدم الجدارة ..
انتي شدي حيلك دلوقتي متفكريش في حاجة بجد غير ان بعد شهر مثلاً هتكوني فعلاً نفسياً على مستوى هو الأعلى في حياتك المهنية قوي .. وفرصة جديدة لبداية حقيقية .. ربنا يعلم بقى الخير فيها هيكون فين بالظبط
يا مسهل الحال يارب
ملحوظة أخيرة .. عارف إن عدم قدرتي التامة على فهم المقصود من الكلام اللي يبان لك بديهي .. دي مشكلة حقيقة يعني فعلاً عندي في التواصل مع المنطوق والمقصود
