لا أعرف كيف ولا متى تحديداً أدركت أن المجاز يقتلني، وأنني أهرب وراءه من كل شئ، وأنني في جلستي الأخيرة قلت للدكتورة: عاوز اتصادم عاوز اتخانق عاوز اطلع كل اللي جوايا.
فاكر مرة كانوا بيتكلموا مع ابن خالتي أحلام وقالوا له لما ماتت: ابكي يا محمود ابكي طلع اللي جواك ابكي.
مشكلتي الأساسية هي في التعامل والمعاملة تعاملي مع الناس وتعامل الناس معي .. كنت من شوية بتفرج على لايڤ فيديو كنت سجلته لك في 2017 .. أنا بكره نفسي وحالي وضعفي وطيبتي وطريقتي ..
آلاء أنتي بتفترضي دائما أن أنتي الصح، وأن مش طبيعي أن بنت تعيش أو تحس اللي انتي بتحسيه .. وهو والله حقك
بس مش طبيعي اللي أنا كمان بحسه، ومش طبيعي اللي بتعمليه، ومش طبيعي الطريقة اللي بتعتمليني بيها .. ومش طبيعي اذا ده الطبيعي للتعامل أنا مش عاوز التعامل أنا مش عاوز ده .. سميه ضعف سميه أي حاجة .. بس انا حساس اكتر ما تتخيلي والله ... وإحساس بالذنب عندي مليون ضعف اللي في العالم بتاعك ده كله .. ويعني أنا جيتلك وأنا يعلم ربنا مش عارف اقعد على كنبة الميكروباص من الألم .. عشان دقيقة قبل الامتحان .. وأنتي مصممة انك لما عوزتيني لقيتيني مسافر!
انتي بتشوفي الوحش بس مبتنسيش الوحش أبدا
آلاء أنتي ليه عاوزاني انسى كل مصيبة عملتيها فيا وفي شخصيتي وأنتي متنسيش حاجة .. أنا مش عارف اتعامل معاكي ولا مع الماضي ولا مع الوحش منك ولا مني
يعني ليه أنسى مواقف زي الزفت كتير قوي واكون جنبك فيها كلها وفي اكتر منها ..
آلاء أنا فعلاً مش هقولك كلام .. أنا مش عارف اتعامل مع الماضي ولا معاكي يا آلاء .. أنتي صعبة يا آلاء أنتي صعب. خالص .. أنا حاولت معاكي بكل اللي اقدر عليه .. أنتي صعب. جدا جدا جدا جدا جدا والله
أنا استحملت مش صعب أنا استحملت صعوبات كتير قوي .. وأنتي استحمليني صعوبات كتير قوي .. بس أنا مشتكيتش
ليست هناك تعليقات:
إرسال تعليق