"يارب من رحمتك أن مكنت للإنسان ..
يغير الضلمة أما النور ميتغيرش"
وأنتي كنتي النور، عنقود النور اللي مبيطفيش. سلسلة من البهجة اللي تملى أكثر القلوب قفراً بكل ألوان الأمل.
أنني كنتي البلسم المسكن لكن ألم، كنت ملائكة ومازلتي ملائكة. أنا مش قادر استوعب يا آلاء أن النور ده ممكن يخفت في يوم من الأيام. مش مستوعب إنه ممكن يخفت في عيني لأنه في قلبي مش هيخفت أبداً ..
أنا اتصلحت بايديكي بإذن ربنا، أنا قلبي فاق بسببك أنتي يا آلاء.. من أول ما كلمتيني كتير في ١٧ مارس بتاعي (لما كنت راجع من المنيا باوتوبيس وكنت بتتكلم عن رواية ألبير كامو) لحد ١٧ مارس بتاعنا احنا الاتنين لما كنتي في البلد وكنت كأني معاكي بتكلم كتير جداً .
أنتي مريحة، جداً جداً .. وأنا مش هفقدك ومش عاوز نسيب بعض يا آلاء .. أنا فيا كل العبر لكنك جميلة.
أنا مش بحب نفسي .. مش بحب شئ منها على الإطلاق إلا بواقي الأشياء المتصلة بيكي .. ايديكي تحديداً مش بقدر انسانه مش بقدر الصغار الحلوين الكائنات المستقلة بذاتها المليان جمال فوق جمالك يا آلاء ياااااربي ايديكي جميلة جداً ..
أنا عارف يا آلاء أنك سعدتي معايا .. أنا شوفت ده في عينيكي مش أقل من ٣٠ مرة يا آلاء .. استشعرته فيكي يا آلاء .. ده اللي مخلي عندي بعض الجرأة يا آلاء أني ارفع عيني في عينك واقولك يا آلاء أنا محمد حبيبك اللي حبيتيه يا آلاء .. اللي كنتي سعيدة معاه يا آلاء .. عاوزك متمشيش وهو اتغير :')
أنا عشمان في جمالك .. عشمان أن شعرة متمردة على ربطة الطرحة ولمست خدك وكنت عاوز احتفظ بيها ممكن تشفعلي.
عشمان أن خدك الجميل المؤنس اليمين بالذات وطبطبتي علبه ممكن يشفع لي.
عشمان أن لما تيجي تربطي الطرحة وتفتكري الدبوس تضحكي وضحكتك تشفعلي
عشمان أن اسم جروب تفتكريه ويشفعلي.. عشمان أن مكان روحناه سوا تفتكريه ويشفعلي
حتى بقيت عشمان أن سيرة الكبدة تفكرك بيا وتشفعلي
.
أنا عشمان فيكي .. في عدلك غير المشكوك فيه المبني على جمال روحك المطلق وجمال عيونك اللي بتهون أي حاجة في الدنيا.
أنا بحبك جداً يا آلاء
أنا بحبك بطريقة غير يا آلاء
أنا بحب تحبيني يا آلاء
أنا بحب نفضل يا آلاء
...
أنا محمد جديد .. بيحبك جداً ينفع تحبي محمد الجديد من تاني؟
ليست هناك تعليقات:
إرسال تعليق