دلوقتي أنا كمان مش بحب أكون في مشاكل، ولا عمري كنت بحب ده، ومع ذلك مريت معك بمشكلات كتير من أول ما عرفتك، وحاجات انتي سببتيها لي، بس أنا كنت عارف إن ده ملوش علاقة بالحب، أن الحب المفروض هو اللي بيصلح الوحش مش الوحش هو اللي بيضيع الحب.
طيب هو أنتي يا آلاء طيب مش عارفة أنك تاج راسي؟
وأني ١٠٠٪ ملكك
وأني فعلاً زي الطين الخام بين ايديكي
ممكن تشكليه براحتك، وممكن يكون في حجر صغير او شوكة
بنرميها
أنتي مدتيليش غير كل خير
أنتي ادتيلي كل شئ يا آلاء.
أنا بقولك يا آلاء أنا ده بيدمرني
ده في المكان ده بيدمرني
بيدمرني يا آلاء
لو سمحتي
انتي عارفة انك غالية عندي، وعارفة أنك أكرم عندي من كل حاجة، وعارفة كل حاجة.
أنا مش هقولك أنا معملتش حاجة ولا كدة، بس هقولك يا آلاء أنك بتقدري أو بتفتضري فيا السوء واللؤم وأنا فعلاً ابعد ما أكون عنهم
أنا بقول لك: اعرفي ده، يكفي تعرفي ده، أنا مش لئيم يا آلاء.
وقتها هتقولي لي هيفرق ايه الغلط بقصد أو بدون؟؟
هقول لك: الغلط بقصد لا يغتفر، الغلط بدون هو أمره بين يديك.
أنا مليش غيرك، ومش عاوز غيرك، وأنتي لو ليكي كل الناس والعالم، أنا هفضل أزاحم وأشب على أطراف صوابعي علشان اكون انا اكتر واحد من العالم بيظللك.
انتي مش عارفة اني ضعيف من غير حبك؟ ومينفعش استقوى بيكي عليكي.
أنا مينفعش استقوى بيكي عليكي.
إنما أنا دلوقتي ضعيف جداً من غير حبك.
فاكرة وقت محطة القطر؟
فاكرة أوقات كتيرة مشابهة؟
أعيشها نظرات منك ثاقبة، أن تحسب الحب فيمن حبه زيفُ
أنا بعشقكك، وبعشق ذكرياتك، وبعشق تفاصيلك، وبعشق عشقك.
أنا بقول لك يا آلاء: احنا لبعضنا، احنا تشاركنا قلب واحد، والله في أجمل تجربة خاضها مخلوق.
أنا عاوزك تستمري في الوجود، وأنا هستمر في التطور والرعاية لكي.
أنا عمر يا آلاء ما أقبل أن ده يكون يا آلاء نهاية.
ليست هناك تعليقات:
إرسال تعليق