برضه؟
...
أحنا مش منتهين
الموضوع ده عجيب جداً انتي يا آلاء معندكيش حكمة وبتخلي الخناقة دائما صفرية
وبتزنقيني في مكان مش هعرف أرد فيه وأنتي عارفة اني مش هعرف أرد .. وأنه هيضيق صدري ولا ينطق لساني، ولو نطق لساني لفاضت عيني بالعبرات، أو قلت كلام أسوأ.
إيه الصعب في وزن الأمور بالعقل؟ إيه الصعب في أننا عرفنا أن تكرار ده كل مرة بيوصل لنفس النتيجة، وبتعمليه يا آلاء؟
ليه كلامك بيكون بشع بشع بشع ضدي، مش كأفكار، كطريقة وألفاظ؟
ليه انتي مش حكيمة في ده؟ يعني أنا لو وحش وقريت كلامك السبلي هيبقى حلو؟ بالعكس
أنا كويس ولما بقرا كلامك السلبي يبقى وحش أكتر
طيب يعني كيف يعني .. كيف اقولك كلمة حلوة وانتي بتحدفيني طوب بلسانك؟
وهي دي مش كرامتي اللي بتدوسي عليها؟ اه جيت عليكي بس أنا بكون قادر وراغب اني أصلح ٣٠٠ مرة اللي عملته .. بس ليه طريقتك دي؟
قلتها قبل كدة انا عمري ظلمتك أو جيت على حقك وأنا واعي لده؟ عمرها
ما تفهمي وتوعي ده!
افهمي واوعي يابت الناس أن الطريقة هي كل حاجة
شايفاني ظالمك ودايس عليكي قوليلي بعتب بعشم بود ان ليكي عندي حق وأنا لو جصرت فيه اتكلمي
بس أنتي عارفة أني متنيل على عيني متلصم، وملعون أبو كل حاجة
وعارفة اني هبكي وافضي دمعتين وارجع اتمرغ في ترابك
وعارفة أني روحت كد ما روحت ولا غبتي عن بالي
وعارفة أني برجعلك وهرجعلك
وعارفة انك ملاذي
وعارفة أني لكي
وعارفة أن ده يمكن وقت تكوني مش طايقة فيه الكلمة لا تسمعيها ولا تقوليها .. طب ليه نوصلها كدة ما أنا كان ليا ليلتين بفادي زعلك
علشان منوصلش لدة
تعبت أيوة تعبت .. وتعبتك كمان أيوة
بس انا تعبت اتقصيت لا بتبسط مع امي ولا أهلي ولا بتبسط وحدي ولا بتبسط بأي نجاح ولا زفت ولا بتبسط من زعلك
وعمال احط واحشي في قلبي ولا في فايدة
وعارفاني عيل صغير طفل
وعارفة أني قلبي على حطة إيدك .. هتوديه يمين هيروح هتوديه شمال هيروح
وعارفة أني مش بخيل ولا طماع .. وعارفة أني جحش ساعات ومغشم .. ولا قصدت ده ولا قصدت ده
إنما كل الحكاية اني زي ما أكون مربوط من تلاتلاف حتة ولا عارف في حبك انتي راضية عني .. ولا في عبادتي ربنا راضي عني .. ولا امي راضية عني
وبعد ما قلت خلاص اهي الصفحات المتعلقة اتقفلت .. ومفاضلش الا صفحتك رجعت أخاف تاني
ورجعت مش عارف انا بكرة هنا ولا هناك .. وأمي هنا ولا هناك .. وأنتي هنا ولا هناك .. وشغلي هنا ولا هناك .. ماهو أنا كمان في وحدتي داس عليا الخوف
انتي كنتي موجودة .. وعارف انك موجودة بس النهاردة انتي مكنتيش موجودة .. رغم اني عيطت وبكيت .. عارفة ليه مكنتيش موجودة؟ علشان طريقتي مكنتش حلوة
علشان معرفتش اسلل قلبك عليا
اه بالظبط زي لما تقولي انت كداب وأناني .. مش هتلاقيني .. متتفاجئيش
انتي عارفة اني حبيتك قد قلبي كله .. ومش عاوز الا ارتاح
ارتاح في حبك وارتاح في حياتي
أنا مش بعافر في الفضا
ولا بقلب المتجلب
ولا بدورك في طاحونة
أنا بس جوايا نااااااااار وانتي مش مقدراها ومفكرة اني يمكن اقصد اقصلك ضفر واحد
وأنا لو عليا افدي كل ضوافرك يابنتي
إنما انتي لو حكيمة صح تعرفي أن القلب اللي بين ايديكي ده تقدري تشكليه على فطرتك كيف ما تحبي والله
واللي ورا القلب ده راجل يشيل مسئولية ١٠٠ بيت لو قالوله
انتي طيبة وصغيرة .. ومفيش شئ واحد يقدر يكدب نورك
وأنا لو طالب من حاجة .. طالب يكون حلمك عليا .. أنا بطلع مخي من الضلمة واحدة واحدة .. ولا اعرف يعني ايه قاهرة ولا يعني ايه ناس ولا يعني ايه بنت.
..
واه كسم ليلى ١٠٠ مرة ولا تيجي قطرة في عرقك
..
ساعات بيكون الأب زي الجبل صحيح .. بس تهده كفوف بنته .. وتسنده كفوف بنته
..
وأنا عاوز كفك يسندني وميبطلش .. وأنا جبلي هيضلل عليكي ويحميكي ويأويكي وميبطلش
..
مش بلومك
بحبك يا آلاء
ليست هناك تعليقات:
إرسال تعليق